Mediaeducational blog

Զահրատ

Оставьте комментарий


զզզզզզզզ

Ֆիլմ—Ծննդավայրը

ՈՒՍՈՒՑԻՉ ԸԼԼԱԼ

Ուսուցիչ ըլլալ
եւ սորվիլ ուզող ուղեղներէն ներս
նոր գիտելիքներ ներմուծել ջանալ
փորձե՞ր էք բնաւ

Չէք գիտեր ինչ խոր հաճոյք է — կը զգաք
Հեղ մը որ համը առիք – այրեցա՜ք —
Չէք կրնար դիւրաւ պրծիլ ազատիլ
Ձեզի ո՞վ ըսաւ ուսուցիչ ըլլաք

Ձեր ու սան կոչուած
Այդ փայլուն աչքով դէմքերուն միջեւ
Սիրոյ կամուրջ մը կը շինուի տակաւ
— Ա՛լ ուրիշ ճամբայ չկայ ձեր առջեւ
թակարդը ինկաք
Կը դառնաք դառնաք ու նորէն հոն էք

Փորձե՞ր էք բնաւ
Նոր գիտելիքներ ներմուծել ջանալ
Բան սորվիլ ուզող ուղեղներէն ներս
Սիրոյ կամուրջէն անցե՞ր էք բնաւ

ՄԱՂ ՄԸ ՋՈՒՐ հատորէն
Իսթանպուլ, 1995

ԼՈՒ

Առաւօտուն արթնցայ որ
Քովս պզտիկ լուն անկողինիս մէջ –
Մինչեւ առաւօտ արիւն է ծծեր
Ուռած թմբուկի պէս ուռեր թմրեր

Լու
Պզտիկ լու
Ինչ պէտք կար այդքան ծծելու

Մատովս կամաց մը դպայ իրեն
Ու պայթեցաւ լուն անձայն անշշուկ
Լուն այդ պզտիկ լուն առաւօտ կանուխ
Անկողինիս մէջ պայթելով մեռաւ

Լու
Անխոհեմ լու
Ինչ պէտք կար այդպէս ուռելու

Մինչդեռ կրնայիր հիմա պզտիկ լու
Ուրիշ լուերու հետ ոստոստել խումբ խումբ
Փոշիին արծաթն – հողերուն ոսկին
Խմբովին ճանչնալ պատմել իրարու

Լու
Անփորձ լու
Ինչ պէտք կար այդքան խմելու

Կրնայիր դիտել երկինքը կապոյտ
Անուշ երգերը լսել հովերուն
Կամ սիրաբանիլ արեւներու տակ
Հաճոյքին թափով ցատկել ցատկռտել

Լու
Պատանի լու
Ինչ պէտք կար այդպէս ճաթելու

Եկար – բանաստեղծի արիւն է ըսիր
Ծծեցիր ամբողջ գիշեր մը ծծեցիր
Գինովցա՞ր – ըսէ լու – իմ արիւնիս հետ
Իմ երազներս ալ երեւցա՞ն քեզի

Լու
Բանաստեղծ լու
Ինչ պէտք կար այդքան գինովնալու

Կրնայիր հիմա դեղին կատուի մը
Մետաքս մազերուն մէջ ծոյլ մրափել
Գորգին թաւիշին մէջ ընկողմանած
Սպասել գալիք աղուոր օրերու

Լու
Վաղամեռ լու
Ինչ պէտք կար այդպէս շտապելու

Առաւօտ մ՚ալ հիմա պիտի արթննամ
Որ լուն պզտիկ լուն անկողնիս մէջ չէ
Պիտի յիշեմ զինք տեսակ մը կարօտով
Ու պիտի խորհիմ

Անփառունակ լու
Ինչ պէտք կար այդպէս մեռնելու

Մեծ Քաղաքը
Իսթանպուլ, 1960

ՅԱՐԴԱՐԱՆՔ

Սիրածներուն նկարները կախել ուզեց ոստերէն —
Եղեւինը մերկ մնաց
Անաղարտ
Այնպէս ինչպէս փրցուեր էր անտառէն

Մինչդեռ ան
Սիրածներուն նկարները կախել ուզեց ոստերէն

(անտիպ)

ՄՈՒԽԸ

Մուխը որ կ՚ելլէ ծխնելոյզէն դուրս
Հպարտ է այնքան
Եւ այնքան լեցուն
Ինքնիրմով
Կարծես երկինքը պիտի նուաճէ

Մինչդեռ — չի գիտեր — պիտի տարածուի
Պիտի սփռուի օդին մէջ անծիր
Ու պիտի փոշի դարձած անհետի

Մենք ալ — պատանի — էինք մուխ հպարտ —
Փոշի ենք այսօր կորսուած անհետ

6.3.1970, Պոլիս
(անտիպ)

ԱՆԳՈՐԾ

Ես դուն ան եւ սէրը
ամէնքով հոն էինք

Ես գացի
դուն գացիր
ան գնաց

հոն սէրը մնաց առանձին
անօգուտ
անգործ

ԶԱՀՐԱՏ
22.2.1977, Պոլիս
(անտիպ)

ԱՆԳՈՐԾ

Ես դուն ան եւ սէրը
ամէնքով հոն էինք

Ես գացի
դուն գացիր
ան գնաց

հոն սէրը մնաց առանձին
անօգուտ
անգործ

ԶԱՀՐԱՏ
22.2.1977, Պոլիս
(անտիպ)

ԵՐԱԶ

Արու եւ էգ նախ մարդիկը
երկու մասի կը բաժնես
Արուները կը նետես
Լոկ էգերը կը մնան

Երիտասարդ կամ ծեր — զանոնք
ալ խումբերու կը բաժնես
ու ծերերը կը նետես

Մնացածներն ալ գեղեցիկ թէ տգեղ
կ’ընտրես — անոնք որ տգեղ չեն
կը պահես

Գեղեցիկին ալ գեղեցիկը կը զատես
— ի~նչ տեսնես
այսքան տարուան կինդ չելլէ՞ քու դէմդ

ԸՍԱՒ — ԸՍԻՆՔ

Ձեզի բան մը պիտի ըսեմ — ըսաւ —
Ըսէ — ըսինք —
Ըսելիք բան չգտաւ —

— Ինչ դժբախտ բան է
ըսելիք մը չունենալ — ըսաւ —
— Հապա եթէ ըսելիք մը ունիս
եւ չկարենաս ըսել — ըսինք —
— Ճիշդ ըսիք — ըսաւ —
Ամենուն պիտի ըսեմ ասկէ վերջ —
— Բարիով ըսես — ըսինք
— Բայց ըսելէ առաջ
պէտք է խորհիմ — ըսաւ —
— Նայէ որ ըսես առանց խորհելու — ըսինք —
Քանի որ խորհիլը ընդհանրապէս արգելք է
ըսելիքդ ըսելու —

Մտածել սկսաւ —
— Աւելի լաւ է որ չըսեմ — ըսաւ —
հեռացաւ

ԴԴՈՒՄԻ ՀԱՄ
յետմահու ժողովածուէն

Կաղանդի ծառ մը

Կաղանդի ծառ մը շտկելու համար
Երկու բան պետք է
Նախ ծառ մը – հետո զարդեր ծառին վրա

Կաղանդի ծառ մը շտկելու համար
Երեք բան պետք է
– Ծառեն զարդեն զատ
Հավատքը գալիք աղվոր օրերու

Կաղանդի ծառ մը շտկելու համար
Մեկ բան կը բավե – ոչ ծառ ոչ ալ զարդ –
Ատիկա խիճերն ադամանդ կարծող
Միամիտ հոգվույս բարի խաբկանքն է

Կաղանդի ծառ մը շտկելու համար
Արդեն պատրանքը լրիվ կը բավե

Բարի տարի ձեզ և բարի պատրանք

Автор: Yelena Sargsyan

«Մխիթար Սեբաստացի» կրթահամալիր

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s