Առաջարկում եմ «Ճանաչենք Հայաստանը» երկարաժամկետ ուսումնահետազոտական նախագիծ, որին կարող են միանալ տարբեր դասարանների և ուրիշ դպրոցների սովորողներ, դասավանդողներ և բոլոր ցանկացողները:
Նախագծի նկարագրությունը
«Ճանաչենք Հայաստանը» նախագծի մասնակիցները իրենց գործունեության ընթացքում հնարավորություն կունենան իրենց համար բնության հրաշքներ բացահայտելու Հայաստանում և ոչ միայն: Շարունակելու ենք արդեն սկսած արշավները և համախմբելու ավելի ու ավելի շատ սովորողների, ովքեր սիրում են ճամփորդել, բարձունքներ հաղթահարել, ուզում են ճանաչել Հայաստանի քաղաքներն ու գյուղերը, խոնարհված եկեղեցիներն ու պատմամշակութային արժեքները, սիրում են արկածներ:
Նախագիծն իրականացվելու է մի քանի փուլով:Նախագծի նախապատրաստական աշխատանքներն սկսվել են:
Առաջին փուլը նախատեսված է onlajn քննարկումների, հետազոտական աշխատանքների, լրացուցիչ նյութերի ձեռքբերման և համակարգման համար:
Երկրորդ փուլում կհամակարգվեն ձեռքբերված նյութերը, աշխատանքային խմբի հավաքների ժամանակ կորոշվեն, թե ովքեր են մասնակցելու հաջորդ փուլի աշխատանքներին, այսինքն՝ ճամփորդությանը: Կլրացվեն արդեն եղած ուսումնական փաթեթները, կստեղծվեն նորերը:
Արման Ավետյան- Զովունիի հուշարձանախումբը
Ինա Միրզոյան- Ուշիի Սուրբ Սարգիս եկեղեցի
Միլենա Մկրտչյան- Եղիպատրուշ գյուղը
Մերի Կարապետյան —Քասախի կիրճ. Աստվածընկալ եկեղեցի
Միլենա Մկրտչյան —Մեր երթուղին
Երրորդ փուլում նախատեսվում ճամփորդություն՝ այս անգամ դեպի Արագածոտնի մարզ՝
- պատմամշակութային արժեքները տեսնելու
- կարդացածն ու աչքով տեսածը համադրելու
- քայլարշավ, հաճելի մարդիկ, ազատ շփում, վայրի բնություն, արկածներ…
- կրթահամալիրի մասին տեղեկությունների, կրթական ծրագրերի տարածում
- Հայաստանի գյուղերը՝ Հարթավան, Քուչակ, Եղիպատրուշ, Ուշի
- Հայաստանի գետերը. Էկոլոգիական խնդիրներ-Քասաղ գետ
- տեղի բնակչության նիստուկացին, բարքերին ու ազգային սովորույթներին ծանոթանալու հնարավորություն
Չորրորդ փուլը յուրատեսակ հաշվետվության փուլ է՝ նկարաշարեր, ֆիլմեր, հոդվածներ:
Պատմաճանաչողական պտույտ Արա լեռան շուրջ
Հոկտեմբերի 14
«Թանգարան բաց երկնքի տակ». այսպես են արտահայտվել բազմաթիվ հանրահայտ մարդիկ մեր երկրի մասին` բնավ չպատկերացնելով, որ մենք` հայերս, չենք տեսել մեր երկրի տեսարժան վայրերի և պատմամշակութային կոթողների մեծ մասը:
Արշավներ և քայլարշավներ, ֆոտոարշավներ, հեծանվային արշավներ:
Նախորդ ճամփորդության հղումները
Կենսամշակութային քայլարշավ. Եղիպատրուշ
Եղիպատրուշ գյուղն ու նրա մարդիկ
Ուշիի Սբ Սարգիս վանքը
Կարող են մասնակցել ոչ միայն ակտիվ հանգստի սիրահարները, այլ բոլոր նրանք, ովքեր անտարբեր չեն բնության և ազգագրության նկատմամբ: Մեր ցանկացած ճանապարհորդություն սովորաբար վերածվում է արկածներով և բազում բացահայտումներով լի ուխտագնացության, որի նպատակն է ճանաչել Հայաստանը, մոտ լինել բնությանը, լիցքավորվել բնության կենսական ուժով և միևնույն ժամանակ չվնասել բնությունը:
Սկզբում կուղևորվենք Քասախի կիրճ` Աստվածընկալ եկեղեցի: Աստվածընկալից կգնանք Քուչակի Սբ. Աստվածածին եկեղեցի, որտեղից կմեկնենք Եղիպատրուշ, որի գեղեցկությունը դաջվելու է բոլորիս հիշողություններում: Կլինենք գյուղի միջնակարգ դպրոցում: Հանդիպումից հետո գյուղի սովորողների հետ կքայլենք դեպի գյուղի եկեղեցի: Պայմանավորվածության համաձայն՝ անտառապահի բեռնատար մեքենայով կշարունակենք ճանապարհը մինչև Պողոս- Պետրոս եկեղեցի: Օրվա վերջում կլինենք Ուշիի Սբ. Սարգիս եկեղեցում, որտեղ թաղված են Սբ. Սարգսի մասունքները:
Ճամփորդությունից հետո…
Մեդիամանկավարժական բլոգ 