Հեքիաթային Համշեն և Տրապիզոն
Ժամանակացույցը- 5 օր մայիսի
Արժեքը- 99000 դրամ, որը ներառում է՝
- բարձրակարգ հյուրանոց
- նախաճաշ, ընթրիք
- էքսկուրսավար -թուրքագետ
- տրանսպորտ
- մուտքի վիզա 15000դրամ
- թեստ 24000դրամ
Ուխտագնացներ
Երթուղին
Երևան — Արդահան — Օլթի — Թորթումի ջրվեժ — Խախովանք (Սբ. Աստվածածին) — Օշքվանք — Ճորոխ — Արդվին — Խոփա (գիշերակաց)- — Արհավիս — Զույգ կամուրջներ — Մանչունայի ջրվեժ — Արտաշեն — Չամլըհամշեն (Հին Համշեն) — Զիլքալե — Այդեր — Քաջքարի լեռեր — Ֆըրթընա գետի կիրճ — Ռիզե –Բալահովիտի ջրվեժ- Տրապիզոն-Սբ.Սոֆյա եկեղեցի-Սումելա վանք-մենաստան – Խոփա ( գիշերակաց)- -Բորճկա — Շավշատի ամրոց և Շավշատի եկեղեցի (Շատբերդ)— Տբետի վանք— անցում Արդվին քաղաքով — Արդվինի և Ճորոխի համայնապատկեր —Դոլիսխանայի եկեղեցի— Դժոխքի ձոր (Արդանուջ)— Արդահան-Երևան
Նպատակը
- ուխտագնացություն
- ճանաչողական
- Համշենը և համշենահայերը. ինքնություն և մշակույթ
- այցելություն Խոփայի ավագ դպրոց (լիցեյ)
- խոնարհված եկեղեցիներ
- ջրվեժներ, լճեր
- բերդեր, ամրոցներ, կամուրջներ
- Համբարձման ծես անտառաշատ և ծաղկապատ Շավշատ գավառում՝ Ճորոխի ափին
Նախագիծն իրականացվելու է մի քանի փուլով:
1.Առաջին փուլ -ընթերցանություն, քննարկումներ, հետազոտական աշխատանքներ, լրացուցիչ նյութերի ձեռքբերում և համակարգում:
Առաջին փուլի աշխատանքներին կարող են մասնակցել բոլոր ցանկացողները: Նախագիծը բաց է, բոլոր ցանկացողները կարող են հանդես գալ նոր առաջարկություններով:
Նախապատրաստական փուլի արդյունքներ
-
Տրապիզոնի Սբ Ամենափրկիչ վանք
-
Սուրբ Սոֆիայի տաճարը
-
Սումելա վանքային համալիր
-
Ուխտագնացություն Համշեն, Տրապիզոն․․
-
Հայկական հետքեր. Արդվին նահանգի Արդանուջ գավառ
-
Օշքվանք
-
Զիլքալե
-
Համշենապատում
-
Համշենն իմ աչքերով
2. Երկրորդ փուլ- ուխտայց
3. Երրորդ փուլ- ձեռքբերված և ընտրված նյութերի ներկայացում, ֆիլմեր, պատումներ, կլոր սեղան-քննարկում հեղինակային կրթական ծրագրերի մայիսյան հավաքի օրերին
Ուխտայցի մանրամասն նկարագրություն
Յուրահատուկ և տպավորիչ է Համշեն աշխարհը՝ թավշյա կանաչ և խիտ անտառներ, գեղատեսիլ լեռնաշղթաներ, հեքիաթային ոլորապտույտ ճանապարհներ, արագահոս գետեր և ջրվեժներ, միջնադարյան կամուրջներ, ավանդական գյուղեր, տներ և մարդիկ, որոնք հարյուրավոր տարիներ անց դեռ պահպանել են իրենց հայ ինքնությունը:
Օր 1- Դրախտի դարպասները
Երևան — Արդահան — Օլթի — Թորթումի ջրվեժ — Խախովանք (Սբ. Աստվածածին) — Օշքվանք — Ճորոխ — Արդվին — Խոփա (գիշերակաց)
Երևանից դուրս գալով՝ կանցնենք հայ-վրացական սահմանի Բավրայի անցակետով, ապա հրաշագեղ Ջավախք աշխարհով: Չըլդըր (Աքթաշ) անցակետով մուտք կգործենք ներկայիս Թուրքիայի տարածք՝ Արդահանի նահանգ, որտեղ պահպանվել է հնամենի բերդը, իսկ քաղաքի միջով անցնում է Քուռ գետը: Կուղևորվենք առաջ՝ հերթով հիանալու Օլթիվանք-Խախուվանք (Սբ. Աստվածածին)- Օշքվանք — Թորթումի` 48 մետր բարձրություն ունեցող ջրվեժն ու հիասքանչ լիճը, կհասնենք Խոփա:
Ընթրիք և գիշերակաց Խոփայում: Cihan Otel
Օր 2- Համշենի հրաշալիքները
Խոփա — Արհավիս — Զույգ կամուրջներ — Մանչունայի ջրվեժ — Արտաշեն — Չամլըհամշեն (Հին Համշեն) — Զիլքալե — Այդեր — Քաջքարի լեռեր — Ֆըրթընա գետի կիրճ — Ռիզե –Բալահովիտի ջրվեժ- Տրապիզոն:
Առավոտյան Սև ծովի համայնապատկերով նախաճաշից հետո կայցելենք Խոփայի դպրոց: Այնուհետև կուղևորվենք՝ բացահայտելու Համշեն աշխարհի հրաշալիքները, տեսնելու Քաջքարի հպարտ լեռները: Մուտք կգործենք Ֆըրթընա գետի կիրճ, որը տպավորությունների նոր չափաբաժին կապահովի: Կտեսնենք համշենյան հրաշալի կամուրջները, կբարձրանանք թավ անտառներում, ժայռերի վրա վեր խոյացող ամրակուռ Զիլ ամրոցը, որը աշխարհի ամենատպավորիչ բերդերից է: Քիչ հեռվում Բալահովտի շառաչուն ջրվեժն է, որն առանձնանում է իր հզորությամբ, ջրի շիթերն անգամ տասնյակ մետրներ այն կողմ են հասնում, իսկ ջրվեժի ձայնը լսելի է լինում բավական հեռվից: Կուղևորվենք Տրապիզոն:
Ընթրիք և գիշերակաց Տրապիզոնում: Yildiz lifehotel
Օր 3- Դրախտային աշխարհ
Տրապիզոն- (Սբ.Սոֆիա տաճար) -Սումելա վանք-մենաստան – Սբ Ամենափրկիչ-հին քաղաք-հայկական-հունական թաղամասեր-հին բերդ- Խոփա
Երրորդ օրն ամբողջությամբ նվիրված է Տրապիզոնին, հույներով ու հայերով բնակեցված երբեմնի ծաղկուն ու հարուստ պատմությամբ գեղեցիկ այս քաղաքին ու շրջակայքին: Այսօր էլ դեռ կարելի է գտնել հայկական ու հունական մշակույթի հարուստ հետքերը Տրապիզոնում և նրա շրջակայքում: Տրապիզոնում կտեսնենք հայկական Սուրբ Ամենափրկիչ եկեղեցին, որտեղ պահպանվել են տպավորիչ և գեղեցկագույն որմնանկարներ, որոնցով կարելի է ժամեր շարունակ հիանալ: Տրապիզոնում՝ Ալթընդերի հովտում՝ մոտավորապես 300 մետր բարձրության վրա գտնվող անտառապատ տարածքի ժայռերի վրա՝ Քարադաղի շրջակայքում է կառուցված Սումելա վանքը, որը ժողովրդի մեջ հայտնի է նաև «Մարիամ Աստվածածին» անվամբ, վանական համալիր՝ կառուցված ժայռերի վրա՝ աննկարագրելի տեսարաններով: Կտեսնենք նաև Սուրբ Սոֆիայի տաճարը՝ հունական հնամենի եկեղեցին Տրապիզոնի սրտում:
Հետո կայցելենք Ալթընդերի հովտում՝ մոտավորապես 300 մետր բարձրության վրա գտնվող անտառապատ տարածքի ժայռերի վրա, Քարադաղի շրջակայքում կառուցված Սումելա վանքը, ժողովրդի մեջ տարածված է նաև «Մարիամ Աստվածածին» անվամբ:
Ընթրիք և գիշերակաց Խոպայում: Cihan Otel
Օր 4. Հեքիաթը շարունակվում է
Արհավիս — Զույգ կամուրջներ — Մանչունայի ջրվեժ-Հոպա
Խոփա — Շավշատի ամրոց — Տբետի վանք-Դոլիսխանայի եկեղեցի— Դժոխքի ձոր (Արդանուջ)- Արդահան-Երևան
Խոպա քաղաքից դուրս գալով՝ կանցնենք Բորչկա գավառակով և կտեսնենք Ճորոխի հովիտը բարձունքից: Կտեսնենք մարդու և բնության ստեղծած հիանալի գեղեցկությունը՝ Ճորոխի ջրամբարները: Հաղթահարելով Արսյան լեռները՝ մուտք կգործենք անտառաշատ Շավշատի գավառ: Գեղատեսիլ Շավշատում կտեսնենք տեղի հայտնի բերդը՝ կառուցված Բագրատունիների կողմից, ինչպես և բերդի ամենաբարձր կետից կկարողանանք վայելել շրջակայքի հրաշագեղ բնությունը: Կտեսնենք նաև Շավշատի եկեղեցին (Շատբերդ): Այնուհետև կուղևորվենք Բագրատունիների կառուցած վեհաշուք տաճարներից Տբետը: Հետո կայցելենք Բագրատունիների կառուցած ևս մեկ միջնադարյան եկեղեցի՝ Դոլիսխանան, որը բարձր ու հիանալի տեղադրությամբ տպավորիչ կառույց է, ընդ որում, բավական լավ պահպանված: Այնուհետև ճամփա կբռնենք դեպի պատմական Արտանուջ, որը Հայոց պատմության ընթացքում կարևոր նշանակություն ունեցող վայրերից է: Ճանապարհին կտեսնենք Դժոխքի ձորը՝ բնության կերտած հրաշալիքը՝ դրախտային տեղադրությամբ ու դժոխային անցյալով բնության այս գլուխգործոցը..
օր 5 Հոպա-Երևան:
Լուսանկարներ՝ նախորդ ճամփորդություններից