Ընթերցողական նախագիծ
Հողը մեր ոտքերի տակ է ոչ թե տրորելու համար, այլ որպես հենարան, որ պինդ կանգնենք և մեր հենարանը զգանք մեր գլխից բարձր: Տրված է ոչ թե տրաքվելու չափ կշտանալու և փառք վաստակելու համար, այլ ի պահ` չծնվածների: Հողի այսօրվա տված հացը մերն է, իսկ հողը` չծնվածներինը:
Ժամկետը՝ նոյեմբերի 1-10
Մասնակիցները՝ Ավագ դպրոցի սովորողներ
Նպատակը՝
- ծանոթություն գրողին, նրա ստեղծագործություններին,
- հայրենի հողին նվիրյալ գրողը,
- մարմրող, բայց չխամրող հուշեր,
- մահվան միջով անցած մարդկանց հերոսական մաքառումը, չարին դիմադիր լինելու, վերստին արմատ գցելու անկոտրում կամքը Գալշոյանի պատմվածքներում,
- այցելություն գրողի ծննդավայր` Թալինի Կաթնաղբյուր գյուղ:
Ընթացքը՝
- պատմվածքների ընթերցանություն, վերլուծություն-քննարկումներ,
- ծանոթացե՛ք Մուշեղ Գալշոյան գրողին, ընտրե՛ք որևէ պատմվածք, կարդացե՛ք,
- կարդացած պատմվածքը բանավոր ներկայացրե՛ք դասարանում,
- փորձե՛ք վերլուծել պատմվածքը: Դժվարանալու դեպքում՝ գրավո՛ր վերապատմեք:
Դիտե՛ք «Մուշեղ Գալշոյան» «Մուշեղ Գալշոյան» ֆիլմը, գրավոր վերապատմե՛ք:
Ունկնդրե՛ք «Դավոն» հեղինակի ընթերցմամբ: Փորձե՛ք հատվածներ կարդալ և ձայնագրել:
- Ի՞նչ ես կարծում՝ «Կանչը» ինչի՞ մասին է, ինչո՞ւ ես այդպես կարծում:
- Պատմվածքը, քո կարծիքով, ինչո՞ւ է «Կանչը» վերնագրված, խոսքը ի՞նչ կանչի մասին է:
- Դո՛ւրս բեր պատմվածքի քեզ հատկապես դուր եկած հատվածները և բարձրաձայն կարդա՛ դասարանում:
Արդյունքներ
Ուսումնական նյութեր՝ պատումներ, ռադիոնյութեր, ուսումնական ֆիլմեր:
Ուսումնահայրենագիտական ճամփորդություն Կաթնաղբյուր գյուղ:
Մեդիամանկավարժական բլոգ 